الاثنين، 11 يوليو، 2011

رسالة الى المجلس الذى جعل شرف واجهة له

رسالتى ليك يامجلس ياللى عطتنا الطرشه ومش سامعنا وسايب الدنيا ومش عارف بتعمل ايه اطلع قولنا هتنفذلنا اوامرنا ولا لا من حقنا نعرف ولازم عليك انك تخاطبنا 
دكتور عصام شرف اه احنا اللى جبناه بس انت مش عطيله الفرصه ولا عطيله الصلاحيات عشان يشتغل 
اه هوه غلطان عشان مقدمش لحد دلوقتى استقالته بس مش عارف انت ضاغط عليه بايه 
حاسس ان دكتور شرف فى ازمه وبهدى لشرف والمجلس الكلمات دى

شرف الأستاذ شرف فتح الباب جاب ضُرف
وإلا حظه اتنصف .. وأخد حقه وغرف
يمكن لحظة خرف .. يمكن
واتعشم بالترف .. يمكن
ماحسبهاش وانحرف .. يمكن
في التيار و انجرف
شرف الأستــــــــــــــاذ شرف
الدنيا يا ابن الناس مهيش جاه ومال
وراحة البال فين اذا حالها مال
و ابن الحلال عمره ما يمشي في ضلال
والبركة ما تحل إلا على مال حلال
وهييجي يوم تلقى المخبي اتعرف
شرف الأستــــــــــــــاذ شرف
ومش المهم تبيع لمين أو بكام
هتبيع تضيع وسط الكرام والِلئام
لا ابن الحلال يتربى من مال حرام
ولا للضلالي ابن الحرام احترام
ولا كرامة للي باع الشرف
شرف الأستــــــــــــــاذ شرف
تحياتى

هناك 4 تعليقات:

Ghada B N يقول...

جميل اوي الربط بين تتر المسلسل وبين الموقف الحالي

عاشق الحضاره المصريه يقول...

ميرسى استاذه غاده ومشكوره مرورك الجميل
تحياتى

غير معرف يقول...

ههههههههههه حلوه الاغنيه اوي وماشيه كمان ياتري ياشرف هتعمل بيها ؟؟

عاشق الحضاره المصريه يقول...

مشكور مرورك الجميل وان شاء الله ربنا يحقق اهدافنا