ماذا لو شهد المشير ضد المخلوع !! ؟
اولا اتاسف فى الفتره الماضيه من عدم وجود مشاركات بسبب مايحدث ولكن ماجعلنى اكتب صديقى يوسف عندما سالنى سوال هل انت مع او ضد شهادة المشير ضد المخلوع ؟.....
اولا مااكتبه حاليا هو نظرتى للامور التى اراها فان كنت مخطئا فمن نفسى ولو اصبت فهذا فضل من الله .
غدا يوم 24 سبتمبر 2011 شهادة المشير فى محاكمة المخلوع واعوانه اولا هوه سيذهب بصفة من ؟
بصفته مواطن لا مسئول
بصفة شاهد ضد مجرم
توقعاتى لما سيحدث :-
اولا ندرك جميعا ان من امر باطلاق الرصاص والبلطجيه ضد الثوار هوه المخلوع ذلك ليس له اى شك مطلق اما ماينقصنا الدليل لان القانون يقول المتهم برئ حتى تثبت ادانته ..
الاحداث تقول ان ثوره قامت ضد نظام فاسد طيلة حياته استخدمت ضدها كل اساليب القمع انتصر الشعب ضد الداخليه وعصاباتها وحمى الشعب بلده من المجرمين فى ظل فقدان الامن وفقد المخلوع اولى اسلحته واهمها فأمر بنزول الجيش لحماية نظامه وحدثت موقعة الجمل وانتصر الثوار ضد بلطجية المخلوع وكما شاهدنا ان الجيش حمى راكبى الجمال والخيول :( كل احداث الثوره التى نعرفها
المجلس العسكرى يشاهد الثوره تنتصر ومبارك واسلحته تقع الواحده تلو الاخرى .
لماذا انحاذ المجلس بالجيش مع الشعب ؟
كما ذكرنا نظام مبارك ينتهى تماما وكل اسلحته سقطت امام صمود الثوار جاء امام سلاحه الاخير وهو الجيش من البديهى ان يامره بالضرب تعالوا كده نحسبها زى مااكيد المجلس حسبها
1- مبارك انتهى واسلحته
2- جيش امام ثوره عددها فى الوقت الحالى اكثر من 18 مليون فى جميع انحاء البلاد فى ارض المعركه وكل يوم يزيد العدد
3- الجيش بتاعنا مش زى ليبيا ولا غيره ده من الشعب مليون المليون هتحصل انشقاقات ومش هيضربوا ساعتها وبكده الثوره نجحت ضد حسنى ومجلسه ومصيرهم كالمعتاد
محاكمه ثوريه يعنى
اعداااااااااااااااااااااااااااااااااااااااااااااااااااام
جه المجلس بطبيعته وقال لا كده احنا فى خطر لو اتبعنا التعليمات !!!
نعمل ايه ؟
حسنى وقع يبقى خطاب تركه للحكم يجهز وهوه يسافر على شرم فى المكان اللى كان مجهزه
المجلس يمسك الحكم
فعلا ده اللى حصل ومسك المجلس الحكم
الشعب طالب بالمحاكمه :(
محاكمه لا متفقناش ع كده
فيه ضغوط يالمجلس يعمل محاكمه يايتشال زى اللى قبله
مادام كده لا ياعم رقبتى حسنى خلاص كارت محروق
ليه بتقولى كارت محروق ؟
هقولك ليه
خلاص حسنى اسلحته منتهيه والشعب كله قدام النظام يبقى اختار مين الطريق اللى يطلعنى بطل ولا اللى يودينى ع الاعدام ؟
يبقى فى حكم العسكر مادام واحد وقع نشوف غيره اما الثوره احنا كده بقينا ابطال ونقعد نشتت قواها وتفضل سيطرتنا ونفوذنا ويمسك واحد مننا او مدنى يبقى مطيع لينا ومطيع لماما امريكا زى مين اما عمر سليمان ومتنسوش استفتاء المجلس على مرشحى الرئاسه او احمد شفيق اللى ناس كتيره مخدوعه فيه وبقانون طوارى وعدم استقلال للقضاء وغيره وغيره نقدر ننفذ ده :(
وكل اللى فات واحنا شايفين ان المجلس جزء لايتجزء من نظام العسكر
طب والمحاكمه بص ياسيدى المحاكمه دى هيه اللى هقدر اكمل بيها اهدافى
ازاى ؟
لو شهادتى مع حسنى يبقى الشعب وشهر العسل اللى بينى وبينه انتهى كلياً
اما لو ضده وطبعا بلاويه كتير يبقى بقينا ابطال فى نظر ناس كتيره اللى كانوا مشككين فيه وبكده ضربت عصافير بحسنى
كده اللى اتوقعه ان المشير يشهد ضد المخلوع ويبقى كسب جزء كبير من الشعب وهيثقوا فى كل قراراته اللى ضد الثوره يعنى لو زور الانتخابات مش هيشكوا لو جه عمر سليمان او شفيق او غيره من اللى تبعه يبقوا بيحموا الثوره ومش هيعترضوا اما اللى هيعترض يبقى بيعترض على اللى حمى الثوره وشهد ضد المخلوع يبقى هوه من الناس ضد الثوره وفلول وبلطجيه و....و....و... ............. الخ
يبقى لازم نقتنع جميعاااااااااااااااااااااااااااااااااااااااااااااااااااااااااااااااااااااااااااااااااااا
ان اللى هيشهد بكره ده مواطن مواطن مش المشير ضد حاجه شافها شهادة حق اما الله ورسوله لو خانها هيتحاسب حساب عسير ولو صانها يبقى ارضى الله ورسوله
فقد جاء في صحيحين عن أبي بكرة قال: قال رسول الله -صلى الله عليه وسلم-: (ألا أنبئكم بأكبر الكبائر؟) ثلاثاً، قلنا: بلى يا رسول الله، قال: الشرك بالله، وعقوق الوالدين، وكان متكئاً فجلس، فقال: (ألا وقول الزور، ألا وشهادة الزور) فما زال يكررها حتى قلنا: ليته سكت".
اتمنى ان اكون قد وفقت وان تنشروها حتى لاينخدع الناس لو شهد المشير ضد المخلوع
تحياتى
ليست هناك تعليقات:
إرسال تعليق