بعد ماشفت النظام ولا حاجه فيه وقعت واللى يقول حسنى وقع اه وقع جه بداله مجلس حسنى قانون الطوارى اتفعل يعنى ثوره قامت عشانه يرجعوه والحجه اللى حصل ف سفارة اسرائيل طب تعالوا نشوف اللى بيحصل عدد من الجنود استشهدوا ع الجبهه ومفيش رد فعل من اللى بيحكم ولا الحكومه واللى شفته ان الشعب ساب انتقاده للمجلس ووقف كله تدعيم للجيش من كلام الشباب اللى انا كنت منهم ووقفنا حشد لو حصل حرب كانت هتبقى نهاية اسرائيل فعلا من قوة الحماسه اللى شفتها واللى خزلها المجلس بعدم اخذ اى خطوه لرد شرف مصر اللى اتهدر باوسخ كيان ع وجه الارض وسكتنا زى ايام المخلوع بالظبط ليه ؟ لانهم تلاميذه ومتنسوش انه لحد دلوقتى قائدهم !!!!!!!!!!
ايه ازاى
خد دى
ده الموقع الوحيد لوزارة الدفاع
ادخلوا عليه هتلاقوا قائمه ع الشمال اختاروا منها
mine problem
وبعد كده اختاروا تانى اختيار اسمه
Current environment
اقروا اول فقره
Under the leadership of President Mubarak , Egypt maintains strong and balanced relations with various international powers
فهمتوا حاجه يالا
المهم مش هنقعد ندق ع مواقع ده المشير ف المحاكمه قال انهم
مجالهمش امر بالضرب وطبعا كلنا شفنا فيديو اعترافه كل ده
عشان يحمى معلمهم الاول
المهم نكمل كلامنا مردش ع اسرائيل اه والله مردش واللى ماتوا ملهمش كرامه يالا اهم ذنب سلطه ونظام فاسد نيجى للداخل مش قادر اتكلم من كتر الحزن اللى انا فيه خلاصة الكلام اقروا دى
خلاصة القول فى مذبحة ماسبيروا
خلاصة القول فى مذبحة ماسبيروا
الله يرحم شهدائنا وربنا يكون مع كل المحبوسين ظلم عسكريا
سؤال : الناس منتظرة ليه على المجلس العسكرى لحد دلوقتى ؟
عشان الامان ؟ البلطجية ملين البلد تحت حماية المجلس العسكرى .
عشان عجلة الانتاج ؟ البلد خربت وبقينا نشحت من العالم كله .
عشان تدمير الفساد ؟ الفساد انتشر والسرقة فى السكرى والقناة وغيرهم مستمرة .
عشان الانتخابات ؟ المجلس رفض التحكيم الدولى وعطل قانون الغدر واسماء الفلول مسجلة فى الانتخابات البرلمانية ، وبيلمع طنطاوى للوصول للرئاسة .
عشان الغاء قانون الطورىء ؟ المجلس فعل الطورىء والشرطة الداخلية والعسكرية اصبحت ايد واحدة لحماية الفلول ونظام مبارك وقتل الثوار وقمعهم واعتقالهم .
عشان الامن القومى ؟ الجيش الاسرئيلى اصبح على الابواب وكاشف كل سينا ء.
عشان لقمة العيش ؟ اصبحت مش موجودة والناس فلست وبقت بتشحت .
عشان خايفين من الموت ؟ المجلس بيموت فينا بالبطىء وعامل حرب استنزاف للثوار وفى كل واقعة او مسيرة او واقفة بيقتل وبيصيب وبيعتقل ناس مننا لحد ما قربنا نخلص .
عشان بنثق فى الحكومة ؟ شرف طلع علينا مش معانا ووزرائه كلهم قتلة او حزب وطنى .
عشان مفيش بديل للمجلس ؟ لو مصر خليت من الاحرار يبقى خسارة فيها الحرية ، الجيش التونسى لما ترك السلطة للمدنين البلد مغرقتشى ، لما الشعب الليبى خلع القذافى من السلطة البلد مغرقتشى .
عشان منتظرين حد من الاحزاب او الائتلافات او مرشحين رئاسة الجمهورية يتكلمو ؟
محدش فيهم هيتحرك ولا هيعمل حاجة كلهم منتظرين حضرتك تتحرك وتعمل ثورة وتنتصر فيها وتروح تقولهم اتفضلو يا باشاوات احصدو اللى انا زرعته اسرقو اللى انا عملته .
مستنى ايه ؟؟؟؟؟
دلوقتى قدامك اما تكمل نص ثوره وترضى بيها او تكمل ثورتك كامله
لو هتكمل يالا بينا نحشد
تحياتى
هناك تعليقان (2):
اتفق معك في كثير من النقاط ، ولكن اختلف معك في المطالبة باسقاط المجلس العسكري هذا ليس حباً في الحكم العسكري ولكن للاسف انه الشئ الوحيد الذي يجمع عليه غالبية الشعب وايضا لخلو الساحة من اجماع علي اي طرف ، ولكني مع المطالبين بزيادة الضغط عليه حتى لا يهيئ له المنافقون الساحة لتكون جاهزه لحكم عسكري ، وحتى لا اطيل يمكن للرجوع لتدوينة هايخدوا بالجزمhttp://goo.gl/a4GlY أو لحين ظهور طارق http://goo.gl/6AZQL
احنا جالنا ضغط من كتر الضغط والثوره متحققش منها الا هدف واحد حسنى اتشال وجه مجلس حسنى وبعد 9 اشهر من الثوره وبدون اداره اتضح ان الثوره تاهت واتفككت ولازم نرجعها قبل ماتتلاشى كاملا وتبقى ذكرى
إرسال تعليق